Հարգելի մանկավարժներ, ծնողներ, սիրելի աշակերտներ և ուսանողներ.

Ջերմորեն շնորհավորում ենք բոլորիդ Գիտելիքի եւ դպրության օրվա կապակցությամբ:
Առանց երկրորդ կարծիքի` երրորդ հազարամյակի ուժեղագույն զենքը գիտելիքն է. հետևաբար, առանցքային է այն մարդու դերն ու նշանակությունը, որն իր գործունեության առանցքում պահում է գիտելիքն ու կրթությունը:
Որքան կիրթ և բանիմաց է անհատը, այնքան ավելի մեծ է բարեկեցիկ կյանք կազմակեպելու և բարեկեցութունը հարատև դարձնելու հնարավորությունը, զուգահեռաբար` պահպանելու եւ զարգացնելու մշակույթը, պետությունը: Կիրթ և բանիմաց անհատներից կազմված հասարակությունը պատրաստ է հաղթահարելու անգամ անհաղթահարելի թվացող բարձունքներ:
Մեր երկրի համար կարևոր այս ժամանակաշրջանում հանրությունն էլ ավելի պետք է արժեվորի գիտելիքի և կրթության դերն ու նշանակությունը, բարձր գնահատի մանկավարժին ու գիտության մարդուն` այդ կերպ աջակցելով գիտելիքի վրա հիմնված հասարակության կայացմանը:
Սիրելի դպրոցականներ, ուսանողներ, մանկավարժներ և ծնողներ, ևս մեկ անգամ շնորհավորում ենք Գիտելիքի և դպրության օրվա առթիվ և մաղթում, որ հույսերով լի ուսումնական տարում հաջողությունները կրկնկակոխ հետապնդեն յուրաքանչյուրիս, թող որ նոր ուսումնական տարին հագեցած լինի նոր հաջողություններով և ձեռքբերումներով: