ԻԴԱ-ՎԻՐՈՒՄԱԱ ՄԻՋԻՆ ՄԱՍՆԱԳԻՏԱԿԱՆ ՈՒՍՈՒՄՆԱԿԱՆ ԿԵՆՏՐՈՆԻ ՊԱՏՎԻՐԱԿՈՒԹՅԱՆ ԱՅՑԸ ՀԱՅ-ՀՈՒՆԱԿԱՆ ՔՈԼԵՋ

Հայ-հունական քոլեջի միջազգային գործընկեր՝ Էստոնիայի Հանրապետության Իդա-Վիրումաա միջին մասնագիտական ուսումնական կենտրոնի պատվիրակությունը կենտրոնի տնօրեն Հաննես Մետցի գլխավորությամբ հոկտեմբերի 25-ին հերթական այց կատարեց Հայ-հունական քոլեջ:

Հայ-հունական քոլեջի սաները և անձնակազմը ջերմորեն ընդունեցին արտասահմանցի հյուրերին: Այցի սկզբում պրն. Մետցը Հայ-հունական քոլեջի տնօրեն պրն. Ա. Ղազարյանի հետ քննարկեց համագործակցության քայլերը և միջոցառումները, ըստ այդմ էլ երկու ուսումնական հաստատությունների միջև ակադեմիական համագործակցության նոր պայմանագիր կնքվեց, ինչպես նաև տնօրենները համագործակցության հուշագրեր փոխանակեցին:

Այնուհետև քոլեջի «Հանրային սննդամթերքի տեխնոլոգիա» մասնագիտության ուսանողները հյուրերի համար վարպետաց դաս ցուցադրեցին, որի ժամանակ պատրաստեցին Քյուֆթա՝ ծեծած մսով և Խուրջին՝ տավարի մսով: Հյուրերին հրավիրեցին համտեսելու հայկական ավանդական խոհանոցի համեղ ուտեստներն ու աղանդերները, որոնք իրենք էին պատրաստել:

Այցի վերջում պայմանավորվածություն ձեռք բերվեց, որ Հայ-հունական քոլեջի ներկայացուցիչները ս.թ. նոյեմբեր-դեկտեմբեր ամիսներին այցելեն Էստոնիա:

1    5    9

 

Նորություններ

«ԵՄ-Ն ՀԱՆՈՒՆ ԵՐԻՏԱՍԱՐԴՆԵՐԻ՝ ՀՄՏՈՒԹՅՈՒՆՆԵՐ ԱՊԱԳԱՅԻ ՀԱՄԱՐ»

35303774_2219898241361380_45255232879329280_o

«ԵՄ-ն հանուն երիտասարդների՝ հմտություններ ապագայի համար» ծրագրի շրջանակում տեղի է ունեցել աշխատանքային հանդիպում Հայաստանում նախնական և միջին մասնագիտական կրթության ոլորտում ԵՄ ֆինանսավորմամբ իրականացվող ծրագրերի և  ՀՀ կրթության և գիտության նախարարության միջև՝ համագործակցության ուղիները քննարկելու նպատակով։

ԱՇԽԱՏԱՆՔԱՅԻՆ ԱՅՑ ՖՐԱՆՍԻԱ

33814934_1879914605400702_852878211749511168_o

2018թ. մայիսի 21-25-ը ՀՀ կրթության և գիտության նախարարի հրամանով ստեղծված աշխատանքային խումբը՝ «Ֆրանսիայում աշխատանքի վրա հիմնված ուսուցման տարատեսակների (վարպետային ուսուցում ու աշկերտություն) և գործող կառուցակարգերի բացահայտում» ուսուցողական այցով, մեկնել էր Ֆրանսիայի Լիոն քաղաք: 

ՄԱՍՆԱԳԻՏԱԿԱՆ ՊՐԱԿՏԻԿԱ ԷՍՏՈՆԻԱՅՈՒՄ

Valga

Հայ-հունական քոլեջի և Էստոնիայի Հանրապետության Վալգա մասնագիտական ուսումնական կենտրոնի համագործակցության շրջանակներում այս տարի ևս 5 ուսանող՝ 2 դասախոսի ուղեկցությամբ մասնագիտական պրակտիկան անցկացրեցին Էստոնիայի Հանրապետությունում: