15 քոլեջում ներդրվում է «Օրգանական գյուղատնտեսություն» ուսումնական մոդուլը

42099787_2263404423892205_5052658239217336320_o

Եվրոպական միության կողմից ֆինանսավորվող «Օրգանական գյուղատնտեսության աջակցության նախաձեռնություն» (ՕԳԱՆ) ծրագրի շրջանակներում տեղի է ունեցել «Օրգանական գյուղատնտեսություն» ուսումնական ձեռնարկի և երկու ուղեցույցների շնորհանդեսը:

Միջոցառմանը մասնակցել են ՀՀ կրթության և գիտության նախարար Արայիկ Հարությունյանը, Հայաստանում ԵՄ պատվիրակության ղեկավար, դեսպան Պյոտր Սվիտալսկին, Ավստրիական զարգացման գործակալության ՕԳԱՆ ծրագրի թիմի ղեկավար Դավիդ Մուքենհուբերը, նախնական արհեստագործական և միջին մասնագիտական կրթության ոլորտի, հասարակական կառույցների և գյուղատնտեսական քոլեջների մի շարք ներկայացուցիչներ:

ՀՀ կրթության և գիտության նախարար Արայիկ Հարությունյանը ողջունել է Հայաստանում ԵՄ պատվիրակության, Ավստրիական զարգացման գործակալության և միջազգային գործընկեր կազմակերպությունների ներկայացուցիչներին, ովքեր աջակցում են Հայաստանում նախնական և միջին մասնագիտական կրթության ոլորտի բարեփոխումներին:

Միջոցառման ընթացքում ներկայացվել է  ՀՀ կրթության և գիտության նախարարության և Ավստրիական զարգացման գործակալության կողմից մշակված  «Մասնագիտական կրթության համակարգում օրգանական գյուղատնտեսության սկզբունքներ» ուսումնական  մոդուլը, որի ներդրման արդյունավետությունն ապահովելու նպատակով հրապարակվել է ուսումնական գրականություն:

Օրգանական գյուղատնտեսություն ձեռնարկը նախատեսված է միջին մասնագիտական կրթություն իրականացնող ուսումնական հաստատություններում աշխատող դասախոսների համար, ովքեր համանուն մոդուլի ներդրումից հետո դասավանդելու են Օրգանական գյուղատնտեսություն առարկան: Ուղեցույցներից  առաջինը նախատեսված է ուսանողների, երկրորդը` օրգանական գյուղատնտեսության ոլորտով հետաքրքրվողների համար:

Նոր մոդուլի ներդրման շրջանակում իրականացվել են ավելի քան 90 ՄԿՈՒ մասնագետների վերապատրաստումներ Հայաստանում և Ավստրիայում: Նոր ուսումնական մոդուլը ներդրվում է այս ուսումնական տարվանից շուրջ 15 գյուղատնտեսական և հարակից մասնագիտություններ ունեցող ուսումնական հաստատություններում:

42059455_2263404377225543_4038947456581369856_o    41991935_2263404227225558_2970180381531176960_o    41862042_2263428680556446_1482737884422209536_n

41965174_2263404297225551_1148097556253769728_o

Նորություններ

«ՍՈՒՐԲ ԾՆՈՒՆԴԸ ԵՎՐՈՊԱՅՈՒՄ 2018 »

33

Ավարտվեց «Սուրբ Ծնունդը Եվրոպայում 2018» ամենամյա մշակութային-երիտասարդական ծրագիրը, որն այս տարի կայացավ Լատվիայի մայրաքաղաք Ռիգայում՝ դեկտեմբերի 2-8-ը:

Պարգևատրվել են «Հայաստանի հմտություններ» ազգային 6-րդ մրցույթի հաղթողները

46983741_2438264409734172_8888617368066981888_o

Նոյեմբերի 29-ին «Արմենիա Մարիոթ» հյուրանոցի «Տիգրան Մեծ» սրահում տեղի է ունեցել «Հայաստանի հմտություններ» ազգային 6-րդ մրցույթի մասնակիցների մրցանակաբաշխության արարողությունը: 

«Հայաստանի հմտություններ» ազգային 6-րդ մրցույթի մասնակիցների մրցանակաբաշխության արարողություն

46517041_2135232036540183_5114823793428135936_o

2018թ. նոյեմբերի 29-ին՝ ժամը 14.00, Երևանի Մարիոթ Արմենիա հյուրանոցի Տիգրան Մեծ դահլիճում կկայանա «Հայաստանի հմտություններ» ազգային 6-րդ մրցույթի մասնակիցների մրցանակաբաշխության արարողությունը: