ՄԱՍՆԱԳԻՏԱԿԱՆ ԿՐԹՈՒԹՅՈՒՆԸ ԱՇԽԱՏԱՇՈՒԿԱՅԻ ԶԱՐԳԱՑՄԱՆ ԿԱՐԵՎՈՐ ՆԱԽԱՊԱՅՄԱՆ

4af4c5f1738ab4e4c297739897b1a60e

ՀՀ կրթության, գիտության, մշակույթի և սպորտի նախարար Արայիկ Հարությունյանը և Հայաստանում ԵՄ պատվիրակության ղեկավար Անդրեա Վիկտորինն այսօր ներկա են գտնվել «Համագործակցության խթանում՝ հանուն մասնագիտական կրթության և ուսուցման ոլորտում աշխատանքի վրա հիմնված ուսուցման արդյունավետ հնարավորություններ» ծրագրի մեկնարկին:

Նախարարը նշել է, որ միջին մասնագիտական կրթության ոլորտի բարելավումը կարևոր է աշխատաշուկայի զարգացման և պահանջարկի բավարարման տեսակետից: «Վերջին տարիներին մեծանում է հետաքրքրությունը  միջին մասնագիտական կրթության նկատմամբ: Մենք աշխատանքներ ենք տանում, որ հետաքրքրության մեծացմանը զուգահեռ նաև բարելավվի կրթության որակը»,- նշել է Ա.Հարությունյանը` հավելելով, որ ԿԳՄՍ նախարարությունը ՄԿՈՒ ոլորտի կրթության որակի բարելավման  նպատակով համագործակցում է Եվրոպական միության և միջազգային մի շարք այլ կազմակերպությունների հետ:

Նախարարի խոսքով` կառավարության բյուջետային աջակցության ծրագրի շրջանակում կատարվում են  միջին մասնագիտական ուսումնական հաստատությունների վերանորոգման, վերակառուցման աշխատանքներ: Նա նաև նշել է, որ ոլորտի զարգացման  կարևոր նախադրյալներից մեկն աշխատաշուկայի ուսումնասիրությունն ու վերլուծությունն է. «Մենք պետք է ունենանք կանխատեսումներ, թե միջնաժամկետ և երկարաժամկետ կտրվածքով ինչպիսի տեսք է ունենալու աշխատաշուկան, որպեսզի իներցիայով չթողարկենք այնպիսի մասնագետներ, որոնք 4 տարի անց, ուսումնական հաստատությունն ավարտելուց հետո, աշխատաշուկայում պահանջարկ չեն ունենալու»,- նշել է Ա.Հարությունյանը: Տնտեսվարողների հետ համագործակցությունը, նախարարի ընդգծմամբ, այս գործում հաջողության հասնելու հիմնական ճանապարհն է, և նախարարությունը  արդյունավետ է համարում աշխատանքի վրա հիմնված ուսուցման մոդելը:

ՀՀ ԿԳՄՍ նախարարության նախնական արհեստագործական և միջին մասնագիտական կրթության վարչության պետ Արտակ Աղբալյանի տեղեկացմամբ գյուղատնտեսական մասնագիտությունների զարգացման ուղղությամբ մի շարք աշխատանքներ են կատարվել: «Համագործակցելով ԿԳՄՍ նախարարության հետ` Ռազմավարական զարգացման գործակալություն ՀԿ-ի  աջակցությամբ վերանայվել են «Անասնաբուժություն» ու «Կաթի և կաթնամթերքի տեխնոլոգիա» մասնագիտությունների կրթական չափորոշիչները և մոդուլային ծրագրերը, մշակվել են 2 մասնագիտությունների ուսումնական  ձեռնարկներ, կատարվել է դասախոսների և մասնավոր հատվածի ներկայացուցիչների վերապատրաստում, հիմնվել է կաթի վերամշակման 2 լաբորատորիա»,-տեղեկացրել է նա:

02a39d6e90f824146a398e2d9d831df5    0e73c8f5f823d75ee0210e4bb93f77a0    875b385d4eec7b95e50e053f1b183f47

Նորություններ

Մուլտիպլիկացիոն/անիմացիոն ֆիլմերի մրցույթ

86295677_259659015018198_1890000431619244032_n

 

2020թ․ փետրվարի 14-ին տեղի ունեցավ մուլտիպլիկացիոն/անիմացիոն ֆիլմերի մրցույթի՝ «Միջին մասնագիտական կրթության կարևորությունը իմ կարծիքով/տեսակետից» թեմայով, աշխատանքների երկրորդ փուլի

Անասնապահություն ձեռնարկի 1-ին և 2-րդ մասների և Տակառագործություն ձեռնարկի վերաբերյալ

Տեղեկացնում ենք, որ արդեն հասանելի են Անասնաբուժություն մասնագիտության կրտսեր անասնաբույժ որակավորման ուսումնական ձեռնարկի 1-ին և 2-րդ մասները և Տակառագործություն ուումնական ձեռնակրը:

 Տես՝ ձեռնարկներ  

Մասնագիտական կրթության որակի ապահովման ձեռքբերումները, մարտահրավերները և հեռանկարները Հայաստանում

84286668_3771927912847845_1979091432161411072_n

Սույն թվականի հունվարի 27-ին, Երևանի զբոսաշրջության, սպասարկման եվ սննդի արդյունաբերության հայ-հունական պետական քոլեջում  տեղի ունեցավ «Մասնագիտական կրթության որակի ապահովման