Այս տարի ևս ավարտվեց «Սուրբ Ծնունդը Եվրոպայում» ամենամյա երիտասարդական-մշակութային ծրագիրը, որը կայացավ Իսպանիայի Թագավորությունում՝ Բարսելոնայում, ս/թ դեկտեմբերի 1-6-ը:
Ծրագրին մասնակցեցին աշխարհի շուրջ 30 երկրներից ՄԿՈՒ հաստատությունների պատվիրակություններ, իսկ Հայաստանի Հանրապետությունից՝ Երևանի հայ-հունական պետական քոլեջը: Ծրագիրն իրագործվեց «Երևանի զբոսաշրջության, սպասարկման և սննդի արդյունաբերության հայ-հունական պետական քոլեջ» ՊՈԱԿ-ի և AEHT-ի (Եվրոպական հյուրանոցային և զբոսաշրջային քոլեջների ասոցացիա), Erasmus+ի միջև միջազգային համագործակցության շրջանակներում: Քոլեջից մեկնեց պատվիրակություն, որի կազմում ընդգրկված էին 1 դասախոս և 4 տարբեր մասնագիտությունների և կուրսերի ուսանողներ, որոնք ընտրվել էին սեփական դիմումների և հարցազրույցի հիման վրա:
Քոլեջի պատվիրակությունն ըստ արժանվույն Եվրոպային ներկայացրեց հայկական սուրբծննդյան ավանդույթները, ուտեստները և, առհասարակ, հայկական մշակույթը:
