Աշակերտները հնարավորություն կստանան վճարովի հիմունքներով սովորել նախնական և միջին մասնագիտական կրթական հաստատություններում

Մայիսի 1-ին ուժի մեջ կմտնի  Ազգային ժողովի ընդունած այն օրենքը, որն աշակերտներին հնարավորություն կտա նաև վճարովի հիմունքներով սովորել նախնական և միջին մասնագիտական կրթական հաստատություններում:

Օրենքի հեղինակները Մխիթար Հայրապետյանը, Նաիրա Զոհրաբյանը և Հարություն Բաբայանն են։

Հայրապետյանը ԱԺ-ում նշել էր, որ բազմիցս խոսել են մասնագիտական կրթության ուսուցման ինստիտուտի ամրապնդման անհրաժեշտության մասին, և ներկայացված փաթեթի նպատակը այդ ինստիտուտի ամրացումն է․

«Գործող օրենքի համաձայն միայն անվճար հիմունքներով աշակերտները կարող են սովորել նախնական և միջին մասնագիտական ինստիտուտներում: Մտահոգություններ ենք ստացել, որ շատ ուսումնարաններում, քոլեջներում երեխաներն ուղղակի հնարավորություն չեն ունեցել շարունակելու ուսումը միայն այն պատճառով, որ պարզապես պետպատվերով անվճար հիմունքներով տեղեր հատկացված չեն եղել, կամ դրանք սահմանափակ են եղել: Մեր առաջարկով ցանկանում ենք հնարավորություն տալ, որ աշակերտները նաև վճարովի հիմունքներով կարողանան սովորել նախնական և միջին մասնագիտական կրթական հաստատություններում»,-ասել էր Հայրապետյանը:

Նախագծի երկրորդ փոփոխությունը վերեբերում է հիմնականում արվեստի ուղվածություն ունեցող բուհերին: Պատգամավորը նշել էր՝ օրինակ Ռ. Մելիքյանի անվան քոլեջը կամ Փ.Թերլեմեզյանի անվան քոլեջն ավարտելուց հետո անմիջապես 2-րդ կուսում առկա ուցուցումը շարունակելու հնարավորություն է ընձեռվում:

Նախագծի հիմնական ուղերձն այն է, որ պարտադիր չէ, որ բոլորը սովորեն բարձրագույն հաստատություներում, և բոլոր երիտասարդաները, որոնք ցանկություն ունեն արհեստի հմտություններ, միջին մասնագիտական կրթություն ստանալ, պետությունը պետք է ապահովի այդ հնարավորությունը և իրավունքի իրացումը:

«Հիմնական ուղերձն այն է, որ բոլոր արհեստավորները, միջին մասնագիտական կրթություն ստացած պրոֆեսիոնալները ոչ պակաս լավ կարող են ապրել և բարեկեցիկ կյանք ունենալ, քան ոչ այնքան պրոֆեսիոնալ իրավաբանները, միջազգայնագետները, արևելագետները»,-ասել էր նա:

 iravaban.net

Նորություններ

WorldSkills Armenia 2020 ֆիլմի մասին

Ֆիլմում ներկայացված է WorldSkills International (Աշխարհի Հմտություններ միջազգային ՀԿ) կազմակերպության մասին՝ դրա առաքելության, գործունեության շրջանակի և հմտությունների մրցույթների մասին:

Ֆիլմում ներկայացված է նաև Հայաստանի Հանրապետության վերոհիշյալ կազմակերպությանը անդամակցության պատմությունը, ինչպես նաև ազգային թիմերի մասնակցությունը հմտությունների մրցույթներին:

Ֆիլմը հասանելի է ՄԿՈՒ զարգացման ազգային կենտրոնի You Tube-ի պաշտոնական ալիքում:

Տես՝ WorldSkillsArmenia2020

Թուրինի գործընթաց 2018-2020 Հայաստան

Տեղեկանցնում ենք, որ Միջազգային փաստաթղթեր բաժնում հասանելի է Թուրինի գործընթացի ազգային զեկույցը, որը մշակվել է 2018-2020թթ. Թուրինի գործընթացի շրջանակներում ազգային մարմինների կողմից:

Տես՝ Միջազգային փաստաթղթեր

Մասնագիտական կրթության և ուսուցման եզրույթների բառացանկ (անգլերեն-հայերեն և հայերեն անգլերեն)

Տեղեկացնում ենք, որ «Գլոբալ զարգացումներ» հիմնադրամը հրապարակել է իր կողմից մշակված երկու նյութ՝ Մասնագիտական կրթության և ուսուցման եզրույթների բառացանկը (անգլերեն-հայերեն և հայերեն անգլերեն) , որը նպատակ ունի աջակցել մասնագիտական կրթության և ուսուցման բնագավառի միասնական եզրութաբանության ապահովմանը:

Տես՝ ձեռնարկներ