GIZ-ի աջակցությունը Մասնագիտական կրթության և ուսուցման համակարգին

94110019_2559553190927219_3126661154114371584_o

COVID-2019 և հեռավար կրթություն. GIZ-ի աջակցությունը Հայաստանի մասնագիտական կրթության և ուսուցման համակարգին

COVID-2019 համավարակի կանխարգելման նպատակով կառավարության կողմից սահմանված տեղաշարժի սահմանափակումների պատճառով հանրային կյանքի բոլոր գործընթացները՝ ներառյալ մասնագիտական կրթությունը և ուսուցումը (ՄԿՈՒ), այժմ տեղափոխվել են առցանց տիրույթ: Սա իր հերթին պահանջում է ՄԿՈՒ դասախոսների և տնօրենների թվային-տեխնոլոգիական կարողությունների բարելավում:

Գերմանիայի կառավարության հանձնարարությամբ GIZ-ը «Մասնավոր հատվածի զարգացում և ՄԿՈՒ» ծրագրի միջոցով Հայաստանի Հանրապետության կրթության, գիտության, մշակույթի և սպորտի նախարարությանն աջակցում է թվային ուսուցման զարգացման գործում:

«Էլեկտրոնային ուսուցման ներածություն» առցանց դասընթացը ներկայում վերապատրաստման հնարավորություն է ընձեռում 150 դասախոսների և տնօրենների:

Դասընթացը, որը 2019թ. GIZ-ի հետ համագործակցությամբ մշակել է «Հեռավար ուսուցման ազգային ցանց» հասարակական կազմակերպությունը, այժմ բացառիկ նշանակություն է ձեռք բերում:

Կրթական ոլորտի առցանց հնարավորությունները կորոնավիրուսային համավարակից հետո էլ վճռական նշանակություն կունենան հատուկ թիրախային խմբերի, օրինակ՝ Հայաստանի հեռավոր շրջանների բնակիչների կամ հատուկ կարիքներ ունեցող աշակերտների ներգրավվածությունն ապահովելու և նրանց համար հավասար հնարավորություններ ստեղծելու հարցում:

Նորություններ

WorldSkills Armenia 2020 ֆիլմի մասին

Ֆիլմում ներկայացված է WorldSkills International (Աշխարհի Հմտություններ միջազգային ՀԿ) կազմակերպության մասին՝ դրա առաքելության, գործունեության շրջանակի և հմտությունների մրցույթների մասին:

Ֆիլմում ներկայացված է նաև Հայաստանի Հանրապետության վերոհիշյալ կազմակերպությանը անդամակցության պատմությունը, ինչպես նաև ազգային թիմերի մասնակցությունը հմտությունների մրցույթներին:

Ֆիլմը հասանելի է ՄԿՈՒ զարգացման ազգային կենտրոնի You Tube-ի պաշտոնական ալիքում:

Տես՝ WorldSkillsArmenia2020

Թուրինի գործընթաց 2018-2020 Հայաստան

Տեղեկանցնում ենք, որ Միջազգային փաստաթղթեր բաժնում հասանելի է Թուրինի գործընթացի ազգային զեկույցը, որը մշակվել է 2018-2020թթ. Թուրինի գործընթացի շրջանակներում ազգային մարմինների կողմից:

Տես՝ Միջազգային փաստաթղթեր

Մասնագիտական կրթության և ուսուցման եզրույթների բառացանկ (անգլերեն-հայերեն և հայերեն անգլերեն)

Տեղեկացնում ենք, որ «Գլոբալ զարգացումներ» հիմնադրամը հրապարակել է իր կողմից մշակված երկու նյութ՝ Մասնագիտական կրթության և ուսուցման եզրույթների բառացանկը (անգլերեն-հայերեն և հայերեն անգլերեն) , որը նպատակ ունի աջակցել մասնագիտական կրթության և ուսուցման բնագավառի միասնական եզրութաբանության ապահովմանը:

Տես՝ ձեռնարկներ