ՄԿՈւ ՀԱՍՏԱՏՈՒԹՅՈՒՆՆԵՐԻ ԵՎ ԳՈՐԾԱՏՈՒՆԵՐԻ ՀԱՄԱԳՈՐԾԱԿՑՈՒԹՅԱՆ ԶԱՐԳԱՑՈՒՄ

1

«Բիզնես և Կրթություն Գործընկերություն» (ԲԿԳ) հիմնադրամի կողմից գերմանական «Մասնագիտական կրթություն և ուսուցում – համագործակցություն Հարավային Կովկասում» ծրագրի շրջանակում Մասնագիտական կրթության և ուսուցման զարգացման ազգային կենտրոնի (ՄԿՈւԶԱԿ) աջակցությամբ 2021թ. ապրիլի 28-ին Լոռու տարածաշրջանային պետական քոլեջում տեղի ունեցավ աշխատաժողով «Ուսումնական հաստատությունների և «Աշակերտական/ուսանողական ընկերությունների» ուսանողների ապահովագրություն» և «ՄԿՈւ հաստատությունների և գործատուների համագործակցության զարգացում (SchoolEconomy)» թեմաներով։

Աշխատաժողովին մասնակցում էին Լոռու մարզում նախնական (արհեստագործական) և միջին մասնագիտական ուսուցում իրականացնող (ՄԿՈւ) հաստատությունների տնօրեններ և փոխտնօրեններ, ինչպես նաև գործատուների և «ՌՈՍԳՈՍՍՏՐԱԽ-ԱՐՄԵՆԻԱ», «ՍԻԼ ԻՆՇՈՒՐԱՆՍ» ապահովագրական ընկերությունների ներկայացուցիչներ։ Աշխատաժողովի նպատակն էր զարգացնել համագործակցությունը և երկխոսությունը կրթական հաստատությունների և գործարարների միջև, նպաստել աշխատանքի վրա հիմնված ուսումնառության (ԱՀՈւ) արդյունավետ կազմակերպմանը և քննարկել ուսումնական հաստատություններում ուսանողների ապահովագրության վերաբերյալ հարցը։

7    6    4

Աշխատաժողովը շարունակությունն էր 2021թ․ փետրվարի 12-13-ը Աղվերանում հրավիրված աշխատաժողովի, որին մասնակցում էին «ՌՈՍԳՈՍՍՏՐԱԽ-ԱՐՄԵՆԻԱ», «ՍԻԼ ԻՆՇՈՒՐԱՆՍ» ապահովագրական ընկերությունների, «ՅՈՒՔՈՄ», «ՏԵԼԵԿՈՄ ԱՐՄԵՆԻԱ» հեռահաղորդակցության և այլ ոլորտների ընկերությունների ղեկավար ներկայացուցիչներ, ՄԿՈՒ հաստատությունների տնօրեններ: Աշխատաժողովի ընթացքում քննարկվել էր  ուսումնական հաստատություններում պիլոտային ծրագրով ստեղծված «Աշակերտական/ուսանողական ընկերությունների» ուսանողների համար հնարավոր ապահովագրության իրականացման հարցը, ինչպես նաև ՄԿՈՒ-գործարար համագործակցության իրականացման հնարավորությունները։

21    14    18

Աշխատաժողովի երկրորդ մասում տեղի ունեցավ շնորհակալագրերի հանձնման արարողություն։ Շնորհակալագրեր հանձնվեցին 2020թ. դեկտեմբերին ՄԿՈւԶԱԿ-ի աջակցությամբ կազմակերպված դասընթացներին ակտիվ մասնակցություն ցուցաբերած Լոռու մարզի ՄԿՈւ հաստատություններին, ինչպես նաև կառավարման խորհուրդների և ուսանողական խորհուրդների անդամ ուսանողներին։

Միջոցառումը եզրափակվեց Լոռու տարածաշրջանային պետական քոլեջի «Հագուստի մոդելավորում և նախագծում» մասնագիտության ավարտական կուրսի ուսանողներների ստեղծած «Հայկական ղողանջներ» հագուստների հավաքածուի ցուցադրությամբ։

26     24     13

Նորություններ

«Հայաստանի հմտություններ 2021» ազգային մրցույթի եզրարափակիչ փուլ

CAN01616

Հայտնի է «Հայաստանի հմտություններ 2021» ազգային մրցույթի եզրափակիչ փուլի մրցանակային տեղեր զբաղեցրած մասնակիցների անունները:

 

CAN01613

 

Կայացել է «Հայաստանի հմտություններ 2021» ազգային մրցույթի նախընտրական փուլը

Կայացել է Հայաստանի հմտություններ 2021» ազգային մրցույթի նախընտրական փուլը: Մրցութային մասնագիտություններն են՝ մեխատրոնիկա, վեբ տեխնոլոգիաներ, ՏՏ ցանցային համակարգի կառավարում, ոսկերչություն, խոհարարություն և նորաձևության տեխնոլոգի: Մրցույթի ազգային փուլի անցկացման ժամկետների վերաբերյալ լրացուցիչ կտեղեկացվի:

Ներկայացվում են «Հայաստանի հմտություններ 2021» ազգային մրցույթի նախընտրական փուլը հաղթահարած մասնակիցների անունները ըստ հմտությունների.

ՈՍԿԵՐՉՈՒԹՅԱՆ ՎԱՐՊԵՏԱՑ ԴԱՍ

IMG_2033

 

Սույն թվականի հոկտեմբերի 15-ին, «Բիզնես և Կրթություն Գործընկերություն» հիմնադրամը (ԲԿԳ) Գերմանական «Մասնագիտական Կրթություն և Ուսուցում (ՄԿՈւ)-Համագործակցություն Հարավային Կովկասում» ծրագրի շրջանակում կազմակերպեց վարպետաց դաս «Կարա Սիլվեր» արծաթից պատրաստված հեղինակային աշխատանքների մասնագիտացված սրահ Գյումրու թիվ 4 արհեստագործական պետական ուսումնարանի «Ոսկերչություն» մասնագիտության ուսանողների համար։