Մեր մասին

Հայաստանն այն եզակի երկրներից է, որտեղ մինչև 2008թ. չկար մասնագիտական կրթության և ուսուցման համակարգին աջակցության և որակի երաշխավորման՝ պետության կողմից հովանավորվող, որևէ ծառայություն։ Ցանկացած երկրում, հատկապես եթե այն գտնվում է բարեփոխումների ճանապարհին, պարտադիր է ՄԿՈՒ համակարգին աջակցող կառույցի առկայությունը: Սա կարևոր խնդիր էր նաև Հայաստանի համար, որը որդեգրել է կրթության բնագավառում եվրոպական ինտեգրման ուղին, որի համար որակի ապահովման հարցը դարձել է առանցքային: Մյուս կողմից, բարեփոխումների իրականացման արդյունավետության բարձրացման, ինչպես նաև ՄԿՈՒ համակարգի հետագա գործունեության բնականոն զարգացումն ապահովելու տեսանկյունից, հատկապես կարևորվում է համակարգի բոլոր շահառուների (ուղղակի և անուղղակի) ու շահագրգիռ կողմերի ակտիվ և արդյունավետ ընդգրկվածություն բարեփոխումների գործընթացում: Այստեղից էլ բխում էր նման մասնակցությունը քաջալերող և ապահովող կառույցի ստեղծման անհրաժեշտությունը: Այդ կառույցը պետք է ստանձներ և իրականացներ ներկայիս փուլի ՄԿՈՒ բարեփոխումների, իսկ հետագայում՝ այդ համակարգի բնականոն ու արդյունավետ գործունեության գիտահետազոտական, մեթոդաբանական, տեղեկատվական, փորձագիտական, կազմակերպական ու գործառնական ապահովումը՝ ՀՀ կրթության և գիտության նախարարության քաղաքական ղեկավարման ներքո և բոլոր շահագրգիռ կողմերի անմիջական մասնակցությամբ:

Ուստի 2008թ. ստեղծվեց «Կրթության ազգային ինստիտուտ» փակ բաժնետիրական ընկերության «Մասնագիտական կրթության և ուսուցման զարգացման ազգային կենտրոն» հիմնարկը (ՄԿՈՒԶԱԿ)` որպես Հայաստանի նախնական (արհեստագործական) և միջին մասնագիտական կրթության և ուսուցման համակարգին մեթոդական աջակցության և ծառայությունների մատուցման կառույց:

2019թ. հուլիսի 1-ին «Մասնագիտական կրթության և ուսուցման զարգացման ազգային կենտրոն» հիմնարկը մտավ «Կրթության զարգացման և նորարարությունների ազգային կենտրոն» հիմնադրամի կազմի մեջ՝ «Կրթության ազգային ինստիտուտ» ՓԲԸ լուծարումից հետո:

 

Նորություններ

Կայացել է «Հայաստանի հմտություններ 2021» ազգային մրցույթի նախընտրական փուլը

Կայացել է Հայաստանի հմտություններ 2021» ազգային մրցույթի նախընտրական փուլը: Մրցութային մասնագիտություններն են՝ մեխատրոնիկա, վեբ տեխնոլոգիաներ, ՏՏ ցանցային համակարգի կառավարում, ոսկերչություն, խոհարարություն և նորաձևության տեխնոլոգի: Մրցույթի ազգային փուլի անցկացման ժամկետների վերաբերյալ լրացուցիչ կտեղեկացվի:

Ներկայացվում են «Հայաստանի հմտություններ 2021» ազգային մրցույթի նախընտրական փուլը հաղթահարած մասնակիցների անունները ըստ հմտությունների.

ՈՍԿԵՐՉՈՒԹՅԱՆ ՎԱՐՊԵՏԱՑ ԴԱՍ

IMG_2033

 

Սույն թվականի հոկտեմբերի 15-ին, «Բիզնես և Կրթություն Գործընկերություն» հիմնադրամը (ԲԿԳ) Գերմանական «Մասնագիտական Կրթություն և Ուսուցում (ՄԿՈւ)-Համագործակցություն Հարավային Կովկասում» ծրագրի շրջանակում կազմակերպեց վարպետաց դաս «Կարա Սիլվեր» արծաթից պատրաստված հեղինակային աշխատանքների մասնագիտացված սրահ Գյումրու թիվ 4 արհեստագործական պետական ուսումնարանի «Ոսկերչություն» մասնագիտության ուսանողների համար։

1AEE02FD-7D60-4D03-8BCC-E05B8DA84FAD
Սույն թվականի հոկտեմբերի
8-ին, «Բիզնես և Կրթություն Գործընկերություն» հիմնադրամը (ԲԿԳ) Գերմանական «Մասնագիտական Կրթություն և Ուսուցում (ՄԿՈւ)-Համագործակցություն Հարավային Կովկասում» ծրագրի շրջանակում կազմակերպեց այց Հայաստանի Հանրապետության Հանրային Ռադիո,Երևանի տարածաշրջանային թիվ 1 պետական քոլեջի «Ռեժիսուրա» մասնագիտության ուսանողների համար։