ԷԼԵԿՏՐՈՆԱՅԻՆ ՈՒՍՈՒՑՄԱՆ ԱՌՑԱՆՑ ԴԱՍԸՆԹԱՑ

GIZ_Logo

“Էլեկտրոնային ուսուցման ներածություն” առցանց դասընթացի նպատակն է ՄԿՈՒ ղեկավարներին և դասավանդողներին ծանոթացնել էլ. ուսուցմանը: Այն կարող է նաև ուղեցույց հանդիսանալ աշխատանքային միջավայրում կիրառելու նպատակով: Անկախ նրանից, թե որտեղ եք աշխատում՝ նախարարությունում, միջին մասնագիտական ուսումնական հաստատությունում (ՄԿՈՒՀ), հասարակական կազմակերպությունում (ՀԿ) կամ ինքնազբաղ եք, էլ. ուսուցումը կնպաստի Ձեր մասնագիտական զարգացմանը:

Առցանց դասընթացը կենտրոնանում է էլ. ուսուցման լուծումների վրա, որոնք արդյունավետ կերպով կարող են կիրառվել մասնագիտական կրթության և ուսուցման ոլորտում (ՄԿՈՒ)՝ օգտագործելով առկա տեխնոլոգիական հնարավորությունները: Այն մշակված է ԳՄՀԸ-ի կողմից իրականացված eAST (էլ. ուսուցման կիրառման հմտությունների փոխանցում) Կենտրոնական Ասիայում և eLDI (էլ. ուսուցման զարգացում և իրականացում) Հարավ Կովկասյան տարածաշրջանում ծրագրերի մոդուլների հիման վրա:

Այն մատնանշում է ՄԿՈՒ ոլորտում կրթական տեղեկատվական տեխնոլոգիաների օգտագործման կարևորությունը և ներկայացնում է որոշ կրթական կազմակերպությունների կողմից էլ.ուսուցման իրականացման փորձը: Էլ. ուսուցման ներկայացված բաղադրիչները և քայլերը հնարավորություն կտան բավականաչափ տեղեկություն ստանալուն և կնպաստեն էլեկտրոնային ուսուցման գործընթաց սկսելու վերաբերյալ որոշումների կայացմանը:

Առցանց դասընթացը մշակվել է Գերմանիայի միջազգային համագործակցության ընկերության (ԳՄՀԸ/GIZ) կողմից և Գերմանիայի Դաշնային Հանրապետության տնտեսական համագործակցության և զարգացման նախարարության (BMZ) պատվիրակմամբ իրականացվող «Մասնավոր հատվածի զարգացումը Հարավային Կովկասում» ծրագրի աջակցությամբ:

“Էլեկտրոնային ուսուցման ներածություն” առցանց դասընթացին մասնակցությունն անվճար է: Այն կմեկնարկի յուրաքանչյուր ամսվա չորրորդ օրը: Մասնակցության համար Ձեզ անհրաժեշտ է գրանցվել հեռավար ուսուցման համակարգում, այնուհետև Ձեր էլ.փոստին կուղարկվի մասնակցության հրավեր:

Հարցերի դեպքում Դուք կարող եք դիմել տեխնիկական  աջակցության info@elearning.am էլ. հասցեով:

 

Նորություններ

Կայացել է «Հայաստանի հմտություններ 2021» ազգային մրցույթի նախընտրական փուլը

Կայացել է Հայաստանի հմտություններ 2021» ազգային մրցույթի նախընտրական փուլը: Մրցութային մասնագիտություններն են՝ մեխատրոնիկա, վեբ տեխնոլոգիաներ, ՏՏ ցանցային համակարգի կառավարում, ոսկերչություն, խոհարարություն և նորաձևության տեխնոլոգի: Մրցույթի ազգային փուլի անցկացման ժամկետների վերաբերյալ լրացուցիչ կտեղեկացվի:

Ներկայացվում են «Հայաստանի հմտություններ 2021» ազգային մրցույթի նախընտրական փուլը հաղթահարած մասնակիցների անունները ըստ հմտությունների.

ՈՍԿԵՐՉՈՒԹՅԱՆ ՎԱՐՊԵՏԱՑ ԴԱՍ

IMG_2033

 

Սույն թվականի հոկտեմբերի 15-ին, «Բիզնես և Կրթություն Գործընկերություն» հիմնադրամը (ԲԿԳ) Գերմանական «Մասնագիտական Կրթություն և Ուսուցում (ՄԿՈւ)-Համագործակցություն Հարավային Կովկասում» ծրագրի շրջանակում կազմակերպեց վարպետաց դաս «Կարա Սիլվեր» արծաթից պատրաստված հեղինակային աշխատանքների մասնագիտացված սրահ Գյումրու թիվ 4 արհեստագործական պետական ուսումնարանի «Ոսկերչություն» մասնագիտության ուսանողների համար։

1AEE02FD-7D60-4D03-8BCC-E05B8DA84FAD
Սույն թվականի հոկտեմբերի
8-ին, «Բիզնես և Կրթություն Գործընկերություն» հիմնադրամը (ԲԿԳ) Գերմանական «Մասնագիտական Կրթություն և Ուսուցում (ՄԿՈւ)-Համագործակցություն Հարավային Կովկասում» ծրագրի շրջանակում կազմակերպեց այց Հայաստանի Հանրապետության Հանրային Ռադիո,Երևանի տարածաշրջանային թիվ 1 պետական քոլեջի «Ռեժիսուրա» մասնագիտության ուսանողների համար։