Մուլտֆիլմերի մրցույթ ՄԿՈՒ ոլորտի խթանում/աջակցություն

Գերմանական «ՄԿՈՒ – Համագործակցություն» ծրագիրը և «Բիզնես և կրթություն-համագործակցություն» հիմնադրամը, ՀՀ Կրթության և գիտության նախարարության հետ համատեղ, կազմակերպում են ՄԿՈւ խթանմանն ուղղված մուլտֆիլմերի մրցույթ:

Մրցույթի կազմակերպման նպատակն է 14-ից 24 տարեկան տաղանդավոր աշակերտների, ուսանողների և երիտասարդների միջոցով խրախուսել և կարևորել միջին մասնագիտական կրթությունը:

Մրցույթին կարող են մասնակցել 14-24 տարեկան բոլոր ցանկացողները, ովքեր ստեղծարար (կրեատիվ) են և կարող են մուլտիպլիկացիոն/ անիմացիոն ֆիլմերի և գրաֆիկաների միջոցով ընդգծել ՄԿՈւ կրթության կարևորությունը:

 Հաղթողները կընտրվեն ժյուրիի կողմից, որը բաղկացած է պրոֆեսիոնալ արվեստագետներից, փորձագետներից, ԿԳՆ, ՄԿՈՒ հաստատությունների և կազմակերպչի ներկայացուցիչներից: Ստորև բերված են մուլտիպլիկացիոն մրցույթի կանոնները.

ԸՆԴՀԱՆՈւՐ

Մրցույթի թեման է՝ «Միջին մասնագիտական կրթության կարևորությունը իմ կարծիքով/տեսակետից»:

Տրամադրված բոլոր նյութերը կարող են օգտագործվել սոցիալական ցանցերում, (յութուբ, բլոգ, ֆեյսբուք, թվիթեր և այլն) ըստ կազմակերպիչների հայեցողության:

Ներկայացված նյութերը կարող են նաև օգտագործվել կրթական և ուսումնական նպատակներով առանց մասնակցի հետագա համաձայնության:

Նյութերի տրամադրման վերջնաժամկետն է 31/05/2019թ., ժամը 18:00:

Մուլտիպլիկացիոն/ անիմացիոն ֆիլմերը և գրաֆիկները պետք է լինեն հենց մասնակցի աշխատանքը, այլ ոչ թե կրկնօրինակված: Այն չպետք է պարունակի որևէ երրորդ կողմի նյութեր և/կամ նյութեր, որոնք խախտում են որևէ հեղինակային իրավունք: Այն չպետք է պարունակի որևէ մերկության կամ սեռական հարաբերության բացահայտ բովանդակություն: Այն չպետք է պարունակի որևէ խեղաթյուրանք, վտանգավոր և ծաղրելի դիտողություններ և չպետք է զրպարտի  որևէ անձի կամ կազմակերպության:

ՄՐՑՈՒՅԹԻ ԿԱՆՈՆՆԵՐԸ

  • Մրցույթին կարող են մասնակցել 14-24 տարեկան բոլոր ցանկացողները
  • Մրցույթը բաց է ոչ միայն անհատների, այլ նաև խմբերի համար
  • Յուրաքանչյուր մասնակից կարող է ուղարկել մեկ կամ ավելի աշխատանք
  • Նյութերը կարող են ներկայացվել էլեկտրոնային և թվային ձևաչափով
  • Պետք է լինեն ստեղծագործական (կրեատիվ) և նորարական
  • Տեքստի կամ վերնագրերի առկայության դեպքում այն պետք է լինի հայերեն
  • Աշխատանքները կարող են ուղարկվել հետևյալ էլեկտրոնային փոստով՝ schooleconomy@mail.ru
  • Աշխատանքները կարող են ներկայացվել նաև՝ ք. Երևան,Աբովյան 34, գրասենյակ 8
  • Ներկայացվող նյութերը պետք է ներկայացվեն պատշաճ ձևով
  • Պարտադիր է ներկայացնել համաձայնության ձևաթուղթը (նյութերի հետագա օգտագործման համաձայնության), ինչպես նաև տարիքը հավաստող փաստաթղթի լուսապատճենը: ՄԿՈՒ հաստատությունների և դպրոցների մասնակիցները նշեն ուսումնական հաստատությունը:

Տեսանյութի տևողություն՝ 1-2 րոպե
Լեզու՝ հայերեն
Մասնակիցների առավելագույն տարիքը՝ 24տարեկան
Այլ չափանիշներ՝ տեսանյութը պետք է լինի հետաքրքիր, ստեղծարար և օգտակար

Լավագույն տեսանյութերը կցուցադրվեն դպրոցներում, ՄԿՈՒ հաստատություններում, ինչպես նաև կտեղադրվեն կազմակերպիչների  կայքում և սոցիալական էջերում:

Մրցույթի դրույթներ

  1. Կազմակերպիչները իրավունք են վերապահում օգտվել գովազդի կամ այլ նպատակների համար ներկայացված բոլոր աշխատանքներից, առանց հեղինակների համաձայնության և հատուկ վճարների:
  2. Ներկայացված նյութերը վերադարձման ենթակա չեն լինելու:

 

Նորություններ

ԱՄԿ-ի աջակցության հմտությունները COVID-19 համաճարակի պայմաններում

Աշխատանքի միջազգային կազմակերպության կայքում տեղադրված են նյութեր ՄԿՈՒ առցանց դասավանդման վերաբերյալ:

ilo.org/skills

GIZ-ի աջակցությունը ՄԿՈՒ ոլորտին

GIZ-ը շարունակում է աջակցությունը ՄԿՈւ մի շարք ոլորտների զարգացմանը, այն է՝ զբոսաշրջություն, գինեգործություն, ՏՏ/ ճշգրիտ ճարտարագիտություն: Դուալ կրթական համակարգի ներդրման նպատակ է երկրում խթանել զբաղվածության աճին:

 You Tube TVET Armenia

 

ՀՀ ԿԳՄՍ նախարարության նախնական և միջին մասնագիտական կրթության վարչության պետ Արտակ Աղբալյանի անդրադարձը առցանց ուսուցմանը

Հայաստանում 101 հաստատություն իրականացնում է նախնական եւ միջին մասնագիտական կրթական ծրագրեր: Եթե տեսական առարկաների դասավանդումը հնարավոր է առցանց կազմակերպել, ապա, օրինակ, ապագա գինեգործի, խոհարարի, վարսավիրի կամ ոսկերչի ուսումնական պրակտիկայի կազմակերպումը լուրջ խնդիր է դառնում: