ՄԿՈՒ զարգացման ազգային կենտրոնի 2012թ. գործողությունների ծրագրով նախատեսված է թվով 12 միավոր ուսումնական ձեռնարկների և ուսումնամեթոդական նյութերի մշակում և հրատարակում: Ինչպես արդեն ներկայացվել էր ՄԿՈՒԶԱԿ-ի նախորդ հաղորդագրություններից  մեկում /03-02-2012 Համագործակցությունն ամրապնդելու ակնկալիքով/, ուսումնական ձեռնարկների և ուսումնաօժանդակ նյութերի կարիքների բացահայտման նպատակով հունվար-փետրվար ամիսներին կազմակերպվել են այցելություններ ՄԿՈՒ տարածաշրջանային քոլեջ-կենտրոններ:

Ապրիլի 20-ին ՀՀ ԿԳՆ ԿԱԻ-ի Մասնագիտական կրթության և ուսուցման զարգացման ազգային կենտրոնը կազմակերպել էր 2011թ. հրատարակված մասնագիտական կրթության և ուսուցման ուսումնական ձեռնարկների շնորհանդես:
Միջոցառմանը ներկա էին ուսումնական ձեռնարկների հեղինակները, ինչպես նաև ՀՀ կրթության և գիտության, աշխատանքի և սոցիալական հարցերի և էկոնոմիկայի նախարարությունների, սոցիալական գործընկերների, ՄԿՈՒ ոլորտում գործունեություն իրականացնող միջազգային կազմակերպությունների, ՄԿՈՒ ուսումնական հաստատությունների ներկայացուցիչները:

Ֆրանս-հայկական ուսումնական կենտրոնը ապրիլի 12-ին հյուրընկալել էր կրթական ոլորտի մի խումբ պատասխանատուների, դիվանագետների, ֆրանկոֆոնիայի երկրպագուների:<Կազա>շվեյցարական մարդասիրական հիմնադրամի աջակցությամբ կազմակերպված միջոցառումը կրում էր<Ֆրանկոֆոն երանգներ և համային վայելք առանց սահմանների> խորագիրը: