MKUZAK - Ուսումնամեթոդական փաստաթղթեր և գրականություն

arm eng

Ուսումնամեթոդական փաստաթղթեր և գրականություն
ՄԿՈՒԶԱԿ-ի հիմնական խնդիրներից է աջակցել պետական կրթական չափորոշիչների, դասագրքերի, առարկայական ծրագրերի, ուսումնածրագրային, մեթոդական և այլ կրթական ռեսուրսների մշակմանը: Հիմնադրման օրվանից ՄԿՈՒԶԱԿ-ը, ոլորտի շահագրգիռ այլ կազմակերպությունների հետ միասին, մշակում և հրատարակում է նախնական և միջին մասնագիտական կրթության մասնագիտությունների ուսումնական ձեռնարկներ, դասագրքեր, ուսումնամեթոդական երաշխավորություններ, ուսումնական պլաններ և մոդուլային ծրագրեր, որոնք հանդես են գալիս որպես երաշխավորություն ուսումնական հաստատությունների համար, ինչպես նաև ուսումնասիրում է այլ երկրներում միջին մասնագիտական ոլորտում առկա փաստաթղթերը:

Կայքի այս բաժնում ներկայացված են.
- Նախնական մասնագիտական (արհեստագործական) և միջին մասնագիտական կրթության պետական կրթական չափորոշիչներին համապատասխան ուսումնական պլաններին և մոդուլային ծրագրեր,
- Միջին մասնագիտական ուսումնական հաստատություններում դասավանդվող առարկայական ծրագրերը և ուսուցման մեթոդական ուղեցույցներ,
- Ձեռնարկներ, որոնք նախատեված են միջին մասնագիտական ուսումնական հաստատությունների համար,
- Դասագրքեր,
- Երաշխավորություններ,
- ՄԿՈՒ ոլորտում առկա միջազգային փաստաթղթերի բնօրինակ և հայերեն թարգմանած տարբերակներ:

Նորություններ
03-02-2012 Համագործակցությունն ամրապնդելու ակնկալիքով

ՄԿՈՒ զարգացման ազգային կենտրոնի 2012թ. գործողությունների ծրագրով նախատեսված է ուսումնական ձեռնարկների և ուսումնամեթոդական նյութերի հրատարակման աշխատանքներ: Ձեռնարկների և ուսումնաօժանդակ նյութերի կարիքների, դրանց ուղղվածության և մշակման առաձնահատկությունների վերաբերյալ ՄԿՈՒ զարգացման ազգային կենտրոնի նախաձեռնությամբ կազմակերպվում են հանդիպումներ ՀՀ տարածաշրջանային քոլեջներում:
03-02-2012 Կրթական ծրագրերը կնպաստեն բարեկեցության բարձրացմանը

Առաջնորդվելով մարդկային կապիտալի զարգացման հիմնարար սկզբունքով, որ բարեկեցության կարևոր գրավական են կրթության բարձր մակարդակն ու մասնագիտական որակավորումը, կառավարությունը հավանություն է տվել Հայաստանի Հանրապետության զինված ուժերի զորամասերում զինծառայողների կրթական կարիքների գնահատման հետազոտության և կրթական ծրագրի իրականացման ծրագրին, հաստատել կրթական կարիքների գնահատման հետազոտության հարցաթերթի և արդյունքների ամփոփագրի ձևերը։
29-12-2011 Արդեն ընթերցողի սեղանին է «Մասնագիտական կրթություն և ուսուցում» ամսագրի երկրորդ թողարկումը

Տարեվերջին արդեն ընթերցողի սեղանին էր «Մասնագիտական կրթություն և ուսուցում» ամսագրի երկրորդ թողարկումը, որն իր մեջ ամփոփում է երրորդ և չորրորդ համարները: Լինելով Եվրամիության կողմից տրամադրվող բյուջետային աջակցության պայմանագրով նախատեսված գործողություն՝ ամսագիրը կոչված է լուսաբանելու ոլորտի խնդիրները, կատարվող բարեփոխումները, ուրվագծվող հեռանկարները: